Նորություններ

ՀԱՏՈՒԿ ԱՌԱՋԱՐԿ <<Սուրբ Սարգսի>> և <<Սուրբ Վալենտինի>> տոների կապակցությամբ
2012-01-27
news_2775718973_valentine_small.jpg

«Ֆորթին Ֆլոր» հյուրանոցի աշխատակազմը համոզված է, 

որ գեղեցիկ ծրագրված մանրուքներն են Ձեր օրը դարձնում տարբերվող և յուրահատուկ

 

«Ֆորթին Ֆլոր» հյուրանոցի աշխատակազմը շնորհավորում է բոլորին <<Սուրբ Սարգսի>> և <<Սուրբ Վալենտինի>> տոների կապակցությամբ և այս գեղեցիկ իրադարձությունների առիթով մաղթում սիրո լիարժեքության զգացողություն:

 Մենք կարևորելով սիրո յուրաքանչյուր արտահայտչամիջոց  Ձեզ ենք առաջարկում սիրո և հոգատարության յուրովի մոտեցում` հատուկ փաթեթի տեսքով`

14 % զեղչ

14-րդ հարկում

Փետրվարի 4-ից մինչև փետրվարի 14-ը

մեր հյուրանոցում ամրագում կատարած բոլոր զույգերին


Հայկական մշակույթի և քրիստոնեական ծեսի շրջանակներում տոնվող Ս. Սարգիս Զորավարի տոնը և եվրոպայում հայտնի Սուրբ Վալենտինի տոները  գաղափարապես նույն իմաստն են կրում, թեև կան ծիսական տարբերություններ:
 

Ս. Սարգիս Զորավարի տոնը Հայաստանում ընդունված է նշել ոչ միայն եկեղեցական ծեսով, աղոթքով, այլև ժողովրդական սովորույթներով, որը մեզանում նվիրական ավանդություն է: Ս. Սարգիս զորավարը երիտասարդների արագահաս բարեխոսն է: Նրա միջնորդությամբ հրաշքներ են տեղի ունենում: Այդ օրը երիտասարդներն աղոթում են Սրբին, որ իրենց աղոթքները հասցնի առ Աստված: Ս. Սարգիսը սիրո երազանքն իրականցնող Սուրբ է: Ս. Սարգսի մասին բազմաթիվ ավանդապատումներ կան:

Ս. Սարգսի տոնին նախորդող գիշերը երիտասարդներն աղի բլիթ են ուտում, որի հետ կապում են իրենց փեսացուի կամ հարսնացուի երազահայտնությունը: Այդ օրը հիշատակելի սովորություններից է փոխինդով մատուցարանը դնել տան տանիքին կամ պատշգամբին և սպասել Ս. Սարգիս զորավարի ձիու պայտի հետքին: Ըստ ավանդույթի` Ս. Սարգիսը պետք է հրեշտակների ուղեկցությամբ անցնի և ում մատուցարանի մեջ դրված ալյուրի կամ փոխինդի մեջ թողնի իր սպիտակ /մաքրություն, անաղարտություն է խորրհրդանշում/ ձիու պայտի հետքը, այդ տարի կիրականանա հավատացյալի երազանքը: Տոնի առթիվ սիրահարված երիտասարդները միմյանց բացիկներ և քաղցրավենիք են նվիրում: Տոնի օրը Ս.Սարգիս Զորավարի անունը կրող եկեղեցիներում մատուցվում է Ս. Պատարագ, որից հետո կատարվում երիտասարդների օրհնության կարգ:

 

            «Ֆորթին Ֆլոր» հյուրանոցում այս տոնական օրերին կստեղծվի համապատասխան միջավայր, որտեղ հյուրերը կկարողանան տոնել և շնորհավորել միմյանց այս գեղեցիկ առիթով` համադրելով հայկական և եվրոպական  ավանդույթները:

Երիտասարդ և չամուսնացած  հյուրերին  կմատուցվի աղի բլիթ: